१.
कसैसंग मागेसी भिख, भागीहाल्दा रैछन् ,
सोझालाइ हान्दै किक,भागीहाल्दा रैछन् ,
...
यसकारण तिमी पनि ,टाढा बस प्रिय मान्छे ,
जो आउँछ मेरो नजिक, भागीहाल्दा रैछन् ।
.............................................................
३.
समय मिलाइ अबेलामा , फिर्ता माग्यो आज ,
पारी मलाइ झमेलामा , फिर्ता माग्यो आज ,
...
हुदा खेरी दिनु भनि , रिन दिएको साथीले नै ,
म थला परेको बेलामा , फिर्ता माग्यो आज ।
..............................................................
जाडो गर्मी केहि नभनि , मान्छे बोकेको छ ,
थोरै कमाएपनि खुसी बनि , मान्छे बोकेको छ ,
...
यात्रु बनि आएकाहरू , कहाँ कहाँ पुगिसके ,
माझि दाइले अझै पनि, मान्छे बोकेको छ ।
.............................................................
६.
मुखले हैन ब्याबहारले , लाटी भनिदियो ,
तँ भन्दा म कतिकति , माथी भनिदियो ,
...
मेरो घरमा उसलाइ मैले ,प्रेमी भनि चिनाइदिएँ
उसको घरमा मलाइ भने , साथी भनिदियो ।
..............................................................
बल र बिध्या मध्ये दुइमा कस्लो जित्यो भन ?
चड्छु अब तिम्रै बुइमा, कस्ले जित्यो भन ,
...
लात्ती हान्न आएका थियाै, खुट्टा समातिदिएँ
पहिला लड्याै तिमी भुइँमा, कस्ले जित्यो भन ?
................................................................
रित्तिन्छु कि म नभनी , खन्याइ रह्यो पानी ,
आफ्नो भागमा नराखेर पनि ,खन्याइ रह्यो पानी ,
...
खाली भएको लोहोटोलाइ , देख्न नसकेर ,
बनेर गाग्री सधै धनि,खन्याइ रह्यो पानी ।
.........................................................
जबानीको तातो जोश, बगाइदिए मैले पनि ,
...
अब हामी एक हुने , प्रस्ताब राखिन् प्रेमिकाले ,
जे जे परोस् लाै जा भनी ,भगाइदिए मैले पनि ।
................................................................
जिउदो शरिर मारेर मन, हेर्नु छैन मलाइ ,
झिकीदेउ मेरा नयन , हेर्नु छैन मलाइ ,
...
मेरी भइनाै भन्दा पनि , चित्त बुझ्थ्यो मेरो ,
तिमी भएको अर्काको झन, हेर्नु छैन मलाइ ।
.............................................................
सफल हुदा मारेको बुर्कुसी , कहिल्यै देखीन ,
दुध पिएको घुडो चुसी , कहिल्यै देखीन ,
...
परिश्रमको फल मिठो , भन्नेलाइ प्रश्न छ ,
किन मैले गधा खुसी ,कहिल्यै देखीन ?
.....................................................
आफुबाट भएको हानी , किन्ने भए आउनु ,
तिम्रै प्रसाद हो है सानी , किन्ने भए आउनु ,
...
प्रेमले मुटु जलाएपछी , ब्यापारी पो भएको छु ,
बेच्ने गरेको छु खरानी , किन्ने भए आउनु ।
............................................................
पिएपनि एउटै जहर , असर फरक रोज्याै तिम्ले,
रूपैँयालाइ चिनेपछि,रहर फरक रोज्याै तिम्ले ,
...
मेरो माया लत्याएर ,छिमेकी संग कस्याै गाठो ,
परे पनि एउटै आँगन , घर फरक रोज्याै तिम्ले ।
................................................................
ठाडो खुट्टा पारी पारी , टिभी हेर्दै छ ,
मुसार्दै उस्ले आफ्ना दारी , टिभी हेर्दै छ ,
...
बलत्कारको आरोपमा , जेल गयो अर्कै मान्छे ,
घरमा बसी बलात्कारी , टिभी हेर्दै छ ।
.........................................................
जस्तो बनाएपनि घर , कामै लाग्दैन ,
गाउँ घुमाउ वा लैजाउ सहर , कामै लाग्दैन ,
...
उस्ले धोका दिएपछि , मैले बल्ल थाहा पाएँ,
बादरलाइ हिरा देउ या पथ्थर, कामै लाग्दैन ।
.............................................................